"Bavariya" Laymerlə müqavilənin müddətini uzadıb

Almaniyanın "Bavariya" klubu müdafiəçi Konrad Laymerlə yeni müqavilə imzalayıb.

90deqiqe.Az klubun rəsmi saytına istinadla xəbər verir ki, 29 yaşlı futbolçu ilə bağlanan yeni razılaşmaya əsasən, tərəflərin əməkdaşlığı 2029-cu ilin ortalarınadək davam edəcək.

Avstriyalı oyunçu əsasən sağ cinah müdafiəçisi mövqeyində çıxış etsə də, zərurət yarandıqda mərkəz yarımmüdafiəsində də uğurla oynaya bilir.

Konrad Laymer 2023-cü ilin yayından "Bavariya"nın formasını geyinir. O, ötən üç mövsüm ərzində Münhen təmsilçisinin heyətində 136 rəsmi oyuna çıxıb, 7 qol vurub və komanda yoldaşlarına 21 məhsuldar ötürmə verib.

"Bavariya" 2026/2027 mövsümündə ilk rəsmi oyununu avqustun 22-də keçirəcək. Münhen təmsilçisi həmin gün Almaniya Superkuboku uğrunda qarşılaşmada Dortmund "Borussiya"sı ilə üz-üzə gələcək.