"Klopp və Tuxel tamamilə fərqli məşqçilərdir"

Almaniya millisinin sabiq hücumçusu Mario Qötse Dortmund "Borussiya"sında birlikdə çalışdığı məşqçilər Yurgen Klopp və Tomas Tuxel arasındakı fərqlərdən danışıb.

90deqiqe.Az xəbər verir ki, təcrübəli futbolçu hər iki mütəxəssisin fərqli idarəetmə üslubuna malik olduğunu bildirib.

"Klopp futbolçularla işləməkdə mükəmməl idi. O, hər bir oyunçunun potensialını maksimum səviyyədə üzə çıxarmağı bacarırdı. Tuxellə isə vəziyyət tamamilə fərqli idi. Onlar bir-birindən çox seçilirlər. Tuxel uzunmüddətli plan üzərində işləyirdi və həmin dövrdə hələ klubun daxili mühitinə tam uyğunlaşa bilməmişdi. Bununla belə, taktiki və texniki baxımdan son dərəcə savadlı mütəxəssis idi"

Qeyd edək ki, Mario Qötse hazırda Almaniyanın Frankfurt "Ayntraxt" klubunun formasını geyinir.