Nazarov Bundesliqada növbəti qolunu vurdu

Almaniya 2-ci Bundesliqasında 10-cu turun oyunlarına start verilib.

Corner.az xəbər verir ki, millimizin futbolçusu Dmitri Nazarovun şərəfini qoruduğu “Erzgebirge” bu turda doğma meydanda “Nürnberq”lə qarşılaşıb və 4:3 hesabı ilə qələbə qazanıb.

Nazarov start heyətdə meydana daxil olub və 90 dəqiqə oynayıb. Komandasının ilk qolunu da millimizin futbolçusu vurub. O, 62-ci dəqiqədə penaltidən fərqlənib. Bununla da Nazarov bu mövsüm vurduğu qolların sayını 5-ə çatdırıb.

"Erzgebirge" - "Nürnberq" - 4:3
Qollar: Frey, 51 (0:1), Nazarov, 62-pen (1:1), Hoşeydt, 75 (2:1), Qeis, 78 (2:2), Mihoyeviç, 86 (3:2), Qeis, 90+2-pen (3:3), Kruqer, 90+4 (4:3)
 
10 turdan sonra 18 xalı olan “Erzgebirge” 4-cü pillədə qərarlaşıb.