“Bavariya” Almaniya Superkubokunun qalibi oldu

Almaniya Superkubokunun 2026-cı il finalında Dortmund “Borussiya”sı ilə “Bavariya” üz-üzə gəlib.

 90deqiqe.Az-ın məlumatına görə, Dortmund stadionunda keçirilən qarşılaşma Münhen təmsilçisinin 2:1 hesablı qələbəsi ilə başa çatıb.

“Bavariya” 28-ci dəqiqədə hesabı açıb. Müdafiəçi Nataniel Braun fərqlənərək komandasını önə keçirib. İlk hissənin əlavə vaxtında, 45+1-ci dəqiqədə Maykl Olise Münhen klubunun üstünlüyünü iki topa çatdırıb.

“Borussiya” 75-ci dəqiqədə fərqi azaldıb. Dortmund təmsilçisinin hücumçusu Fabio Silva hesabı 1:2 edib.

Matçın 90-cı dəqiqəsində meydan sahibləri azlıqda qalıb. Rami Bensebaini qırmızı vərəqə alaraq meydandan qovulub.

Qeyd edək ki, “Bavariya” ötən mövsüm Bundesliqada 89 xal toplayaraq çempion olub. Münhen klubu eyni zamanda Almaniya Kubokunu da qazanıb. Dortmund “Borussiya”sı isə Superkubokda ölkə çempionatının vitse-çempionu kimi iştirak edib.

Xatırladaq ki, 2025-ci ildə də Almaniya Superkubokunun qalibi “Bavariya” olub. Münhen təmsilçisi finalda “Ştutqart”ı 2:1 hesabı ilə məğlub edib.