Kristian Eriksen “Volfsburq”dan ayrıldı

Almaniyanın “Volfsburq” klubu danimarkalı yarımmüdafiəçi Kristian Eriksenlə yollarını ayırıb.

90deqiqe.Az-ın məlumatına görə, Bundesliqadan 2-ci Bundesliqaya düşən klub 34 yaşlı futbolçu ilə müqaviləyə qarşılıqlı razılaşma əsasında xitam verib.

Eriksen karyerasını vətənində davam etdirmək və ailəsinə daha yaxın olmaq istədiyini bildirib.

Danimarka millisinin üzvü ötən mövsümün əvvəlində “Volfsburq”a keçib. Təcrübəli yarımmüdafiəçi Almaniya klubunun heyətində 34 oyunda meydana çıxıb, 3 qol vurub və 10 məhsuldar ötürmə edib.

Eriksenin karyerasını Danimarkada davam etdirəcəyi gözlənilir.