“Borussiya” “Ştutqart”ı məğlub edərək mövsümdə ilk qələbəsini qazandı

Almaniya Bundesliqasının VII turunda Mönxenqladbax “Borussiya”sı səfərdə “Ştutqart”ı məğlub edib.

90deqiqe.Az xəbər verir ki, qarşılaşma qonaqların 3:2 hesablı qələbəsi ilə başa çatıb.

Matçda hesabı meydan sahibləri açıb. Ermedin Demiroviç beşinci dəqiqədə “Ştutqart”ı önə keçirib. Lakin fasiləyə az qalmış, 38-ci dəqiqədə Cozef Skalli tarazlığı bərpa edib.

İkinci hissədə təşəbbüsü ələ alan qonaqlar qısa müddətdə üstünlük qazanıblar. 51-ci dəqiqədə Suto Matino “Borussiya”nı önə keçirib, 66-cı dəqiqədə isə Vael Moxiya fərqi iki topa çatdırıb.

“Ştutqart” təslim olmayıb. Ermedin Demiroviç 84-cü dəqiqədə dubl edərək fərqi minimuma endirsə də, komandasını məğlubiyyətdən xilas edə bilməyib.

Bu qələbə ilə Mönxenqladbax “Borussiya”sı mövsümdə ilk üç xalını qazanıb. Buna baxmayaraq, komanda 18-ci, sonuncu pillədə qalıb. Altı xalı olan “Ştutqart” isə 14-cü yerdədir.