Kompani xəstəxanadan evə buraxılıb

“Bavariya”nın baş məşqçisi Vensan Kompani planlı müayinədən və müalicə kursundan sonra xəstəxanadan uğurla evə buraxılıb.

90deqiqe.Az-ın “Bayern & Germany”ə istinadən məlumatına görə, bu barədə Münhen klubunun idman məsələləri üzrə idarə heyətinin üzvü Maks Eberl məlumat verib.

Həkimlər 40 yaşlı belçikalı mütəxəssisdə beyin qişalarının qıcıqlanması aşkar ediblər. Məhz bu vəziyyət ötən cümə günü onun səhhətinin qəfil pisləşməsinə səbəb olub.

Eberl açıqlamasında bildirib:

“Həkimlər problemin dəqiq nədən qaynaqlandığını müəyyən ediblər. Ötən cümə günü baş verən hadisəyə beyin qişalarının qıcıqlanması səbəb olub. Əminəm ki, Vensan çox yaxın zamanda komandanın rəhbərliyini meydanın kənarında yenidən üzərinə götürəcək və tam hazır vəziyyətdə olacaq”.