“Union Berlin” evdə “Köln”lə heç-heçə edib

Almaniya Bundesliqasının səkkizinci turunda Berlin “Union”u ilə “Köln” qarşılaşıb.

90deqiqe.Az-ın məlumatına görə, görüş 1:1 hesablı heç-heçə ilə başa çatıb.

Meydan sahibləri artıq 10-cu dəqiqədə hesabı açıblar. Tim Skarkenin ötürməsindən sonra Yanık Haberer dəqiq zərbə ilə “Union Berlin”i önə keçirib.

Qoldan sonra ev sahibi komanda oyuna nəzarəti saxlamağa çalışıb, “Köln” isə bərabərlik qolunu axtarıb.

Qonaqlar 79-cu dəqiqədə hesabı bərabərləşdiriblər. Alessio Kastro-Montesin ötürməsindən sonra Malek El-Mala topu “Union Berlin”in qapısından keçirib.

Qalan dəqiqələrdə komandalar daha fərqlənə bilməyiblər və matç heç-heçə ilə yekunlaşıb.