Bavariya Almaniya Bundesliqasının 10-cu turunda “Ayntraxt”a darmadağın olub – 1:5.
Corner.az klubun saytına istinadən xəbər verir ki, sözügedən görüş Münhen təmsilçisinin futbolçusu Tomas Müller üçün əlamətdar olub.
Belə ki, Ayntraxtla qarşılaşma Müllerin “Bavariya”da 500-cü oyunu olub. O, oyun sayına görə keçmiş komanda yoldaşı Bastian Şvaynştaygerə çatıb. 30 yaşlı hücumçu “Bavariya”nın klub tarixində ən çox oyun keçirən 10-cu futbolçu olub.
Qeyd edək ki, “Bavariya”nın yetirməsi olan Müllerin müqaviləsi 2021-ci ilə qədərdi.
