Bavariya Borussiya'nı darmadağın etdi

Almaniya Bundesliqasında 11-ci turun oyunları keçirilir.

Corner.az xəbər verir ki, turun əksər qarşılaşmaları şənbə günü baş tutub.

Altı qolun vurulduğu “Şalke” – “Fortuna” matçında qalib müəyyənləşməyib. “Herta” – “Leyptsiq” görüşündə də qapılara eyni sayda qol vurulub. Amma bu oyunda qonaqlar qələbəyə seviniblər.

“Maynts” doğma meydanda “Yunion”a, “Paderborn” isə “Auqsburq”a uduzub.

Turun mərkəzi görüşü Münhendə keçirilib. Ötən tur “Ayntraxt”a 1:5 hesabıyla darmadağın olan “Bavariya” bu dəfə öz doğma meydanında “Borussiya Dortmund”la qarşılaşıb və 4 cavabsız qolla qələbə qazanıb.

Almaniya Bundesliqası
11-ci tur
8 noyabr

Köln – Hoffenhaym 1:2
Qol: Kordoba, 34 – Adamyan, 48. Lokadiya, 90+7-pen.

9 noyabr

Herta – Leyptsiq 2:4
Qol: Mittelştadt, 32. Selke, 90+2 – Verner, 38-pen; 90+1. Sabitser, 45+1. Kampl, 86.

Maynts – Yunion 2:3
Qol: Onisivo, 81. Brosinski, 90+4 – Brosinski, 30-öz qapısına. Anderson, 45+3; 51.

Paderborn – Auqsburq 0:1
Qol: Maks, 41.

Şalke – Fortuna 3:3
Qol: Kaliqiuri, 33. O.Kabak, 67. S.Serdar, 79 – Henninqs, 62; 74; 85.

Bavariya – Borussiya (Dortmund) 4:0
Qol: Levandovski, 17; 76. Qnabri, 47. Hummels, 80-öz qapısına.