Ayntraxt'ın kapitanı 7 həftəlik cəzalandırıldı

Almaniya Futbol İttifaqının İntizam Komitəsi “Ayntraxt”ın kapitanı David Abrahaamı 7 həftəlik cəzalandırıb.

Corner.az qurumun rəsmi saytına istinadən xəbər verir ki, buna səbəb 33 yaşlı müdafiəçinin noybarın 10-da səfərdə “Frayburq”a 0:1 hesabı ilə məğlub olduqları Bundesliqanın XI tur matçının 90+5-ci dəqiqəsində meydan sahiblərinin baş məşqçisi Kristian Ştrayxı itələyərək yerə yıxdıqdan sonra qırmızı vərəqə almasıdır.

Cəzası dekabrın 29-da başa çatacaq argentinalı futbolçu ili erkən başa vurub. O, həmçinin 25 min avro məbləğində cərimə də ödəyəcək.

Qeyd edək ki, “Ayntraxt” 11 turdan sonra 17 xalla 9-cu pillədə qərarlaşıb.