“Leyptsiq” klubu ciddi itkilərlə üzləşib.
Corner.az xəbər verir ki, Bundesliqa təmsilçisi müdafiəçi Dayo Upamekano ilə yarımmüdafiəçi Kevin Kampl sıradan çıxıb.
Bu barədə klubun rəsmi saytı məlumat yayıb. Upamekano Bundesliqanın 12-ci turu çərçivəsində “Köln”ü 4:1 hesabıyla məğlub etdikləri oyunda zədələnib. Artıq onun müalicəsinə başlanılıb. Amma həkimlər 21 yaşlı futbolçunun dəqiq nə vaxt yaşıl meydanlara dönəcəyini açıqlamayıblar.
Kampl isə dizindəki zədə səbəbindən əməliyyat olunmaq məcburiyyətində qalıb. Həkimlər əməliyyatın uğurlu keçdiyini açıqlayıb. 29 yaşlı futbolçunun bir neçə ay yaşıl meydanlardan uzaq qalacağı bildirilir.
