Millimizin futbolçusu sağaldı

Millimizin hücumçusu Rüfət Dadaşov zədəsini sağaldıb.

Corner.az-ın Almaniya mətbuatına istinadən məlumatına görə, bu barədə "Proyssen"in futbolçusu özü açıqlama verib.

O, "Bild" nəşrinə açıqlamasında növbəti turda komandasına kömək etmək istədiyini söyləyib. Həftənin əvvəlində ayağındakı şiş keçməyən 28 yaşlı futbolçu dünən axşamdan kollektivlə birlikdə məşqlərə qatılıb. O, III Bundesliqanın növbəti turunda "Mannheym"lə qarşılaşmada iştirak etmək istəyir: "Ağrılara qarşı həblər var. Komandama kömək etmək istəyirəm. Biz 3 xalı mütləq qazanmalıyıq".

Qeyd edək ki, "Proyssen" - "Mannheym" oyunu noyabrın 30-da keçiriləcək.