Avropa Liqasında 1/4 final mərhələsinin oyunlarına yekun vurulub.
Corner.az xəbər verir ki, sonuncu oyun günündə də iki görüş keçirilib.
Ukrayna “Şaxtyor”u “Bazel”lə, “Vulverhempton” isə “Sevilya” ilə qarşılaşıb. “Şaxtyor” rəqibini darmadağınla məğlub edib. “Sevilya” isə son dəqiqələrdə vurduğu yeganə qol sayəsində növbəti mərhələ adlayıb.
Beləliklə, yarımfinalda “Sevilya” “Mançester Yunayted”lə üz-üzə gələcək. Bu görüş avqustun 16-da keçiriləcək. Bundan bir gün sonra isə “İnter” “Şaxtyor”la qarşılaşacaq.
Avropa Liqası
1/4 final
11 avqust
Şaxtyor (Donetsk, Ukrayna) – Bazel (İsveçrə) 4:1
Qol: Moraes, 2. Tayson, 22. Patrik, 75-pen. Dodo, 88 – Volfsvinkel, 90+2.
Vulverhempton (İngiltərə) – Sevilya (İspaniya) 0:1
Qol: Okampos, 88.