- Avroliqa
- 12:27 22.10.2024
"Qalatasaray" klubu avrokuboklarda 100 qələbə həddinə çatan ilk Türkiyə klubu olub.
Corner.az-ın məlumatına görə, "sarı-qırmızılar" buna Avropa Liqasının II təsnifat mərhələsində "Neftçi"yə Bakıda 3:1 hesabı qalib gələrək, nail olublar. "Cimb-Bom" həm də səfərdə 20 oyunluq qələbə həsrətinə son qoyub.
Ümumiyyətlə, "Qalatasaray" avrokuboklarda 286 matça çıxıb. "Sarı-qırmızılar"ın 100 qələbədən əlavə, 111 məğlubiyyəti və 75 heç-heçəsi var. İstanbul komandası 380 qol vurub, 429 top buraxıb.
Bütün bunlarla yanaşı, "Qalatasaray"ın aktivində 2000-ci ildə Fatih Terimin rəhbərliyi altında qazandığı UEFA Kuboku və Mirça Luçesku ilə əldə etdiyi Superkubok da var.
"Qalatasaray" avrokuboklarda (oyun, qələbə, heç-heçə, məğlubiyyət, vurulan top, buraxılan top)
| Çempionlar Kuboku | 35 | 12 | 8 | 15 | 42 | 53 |
Çempionlar Liqası | 116 | 28 | 29 | 59 | 112 | 197 |
| Çempionlar Liqasının təsnifat mərhələsi | 24 | 17 | 6 | 1 | 59 | 22 |
Kuboklar Kuboku | 32 | 12 | 7 | 13 | 42 | 55 |
UEFA Kuboku / Avropa Liqası | 78 | 30 | 25 | 23 | 123 | 101 |
UEFA Super Kuboku | 1 | 1 | 0 | 0 | 2 | 1 |
CƏMİ | 286 |
