Avropa Liqasının qrup mərhələsinin ikinci turu çərçivəsində “Antverpen” ilə səfər oyunu “Tottenhem”in qapıçısı Uqo Lyoris üçün əlamətdar olub.
Corner.az xəbər verir ki, 33 yaşlı qolkiper qitə miqyaslı yarışlarda 100-cü oyununa çıxıb.
Bununla da təcrübəli qapıçı avrokuboklarda 100 matç həddinə çatan ilk fransalı qapıçı olub.
Lyoris indiyə qədər UEFA Çempionlar Liqasında 32, Avropa Liqasında isə 68 oyuna çıxıb.
Qeyd edək ki, “Tottenhem” “Antverpen”lə oyunda 0:1 hesablı məğlubiyyətlə üzləşib.