"Qarabağ”ın yarımmüdafiəçisi Filip Ozobiç cəzalı duruma düşüb.
Corner.az xəbər verir ki, 29 yaşlı yarımmüdafiəçi Avropa Liqasının qrup mərhələsinin üçüncü turu çərçivəsində səfərdə "Sivasspor"a qarşı keçirilən matçının 53-cü dəqiqəsində sarı vərəqə alıb.
Bu, xorvatiyalı futbolçunun turnirdəki üçüncü xəbərdarlığı olub. Ozobiç bu səbəbdən növbəti turda “Sivasspor”la ev matçında komandasına kömək edə bilməyəcək.
Qeyd edək ki, "Qarabağ" “Sivasspor”a bu oyunda 0:2 hesabı ilə məğlub olub. "Qarabağ" - "Sivasspor" qarşılaşması isə noyabrın 29-da baş tutacaq.