Alkaser Qarabağ'la matçda oynamayacaq

"Vilyarreal"ın futbolçusu Pako Alkaserin Avropa Liqasının qrup mərhələsinin sonuncu - altıncı turunda "Qarabağ"la matçı buraxacağı dəqiqləşib.

Corner.az klubun rəsmi saytına istinadən xəbər verir ki, La Liqanın XII turunda "Elçe" ilə heç-heçə etdikləri matçda zədələnən 27 yaşlı hücumçunun bud əzələsində yırtıq aşkarlanıb.

İspaniyalı forvardın 2021-ci ildə yaşıl meydanlara qayıdacağı gözlənilir.

Qeyd edək ki, dekabrın 10-da keçiriləcək "Vilyarreal" - "Qarabağ" matçı Bakı vaxtı ilə saat 00:00-da başlayacaq. Daha əvvəl digər hücumçu Karlos Bakka ilə yanaşı, yarımmüdafiəçi Moi Qomesin də zədə səbəbindən Ağdam təmsilçisi ilə görüşü buraxacağı açıqlanıb.