Benfika - Arsenal matçının yeri dəyişdirilə bilər

Avropa Liqasının 1/16 final mərhələsinin ilk oyunu çərçivəsində keçiriləcək "Benfika" - "Arsenal" oyununun yeri dəyişdirilə bilər.

Corner.az "The Guardian"a istinadən xəbər verir ki, fevralın 18-də Lissabonda keçirilməli olan matçın İtaliyanın paytaxtı Romaya salınması gözlənilir.

Buna səbəb Britaniya hökumətinin Portuqaliyadan gələn vətədaşlar üçün sərt karantin qaydaları tətbiq etməsidir. Pandemiya ilə bağlı qərara əsasən "Benfika"nın Londona uçmasına da icazə verilməyəcək. Buna görə də komandalar arasında cavab matçının da harada keçiriləcəyi məlum deyil.

Qeyd edək ki, daha əvvəl Avropa Liqası və Çempionlar Liqasında bir neçə oyunun neytral stadionda keçiriləcəyi bildirilib.