“Brügge” klubunun iki futbolçusunda koronavirus aşkarlanıb.
Corner.az xəbər verir ki, bu barədə klubun mətbuat xidməti məlumat yayıb.
Məlumatda qapıçı Simon Minolye ilə yarımmüdafiəçi Şarl de Keteların COVİD-19 testinin nəticəsinin müsbət çıxdığı vurğulanıb. Hər iki futbolçu Avropa Liqasının 1/16 final mərhələsinin Kiyev “Dinamo”su ilə keçiriləcək cavab oyununu buraxmalı olacaq.
Qeyd edək ki, sabah keçiriləcək “Brügge” – “Dinamo” (Kiyev) matçına Bakı vaxtı ilə saat 00:00-da start veriləcək. Komandalar arasındakı ilk oyunda qalib müəyyənləşməyib - 1:1.