Slaviya'nın futbolçusuna sərt cəza!

UEFA Çexiyanın “Slaviya” (Praqa) komandasının futbolçusu Andrey Kudela ilə bağlı yekun qərarını açıqlayıb.

Corner.az xəbər verir ki, 34 yaşlı müdafiəçi irqçiliyə yol verdiyinə görə sərt cəzalandırılıb Çexiyalı futbolçu, 10 oyunluq diskvalifikasiya olunub.

Kudela Praqa təmsilçisinin səfərdə Şotlandiya “Reyncers”ini 2:0 hesabı ilə məğlub etdiyi Avropa Liqasının 1/8 final mərhələsinin cavab matçında rəqib komandanın yarımmüdafiəçisi Qlen Kamaraya qarşı irqçi ifadələr işlədib. Nəticədə arxa xətt oyunçusu final fitindən sonra tuneldə təhqir etdiyi futbolçu tərəfindən döyülüb. Kamara bu hərəkətinə görə 3 oyunluq cəzalandırılıb.

Qeyd edək ki, ilk matçda “Reyncers”lə 1:1 hesablı heç-heçə edən “Slaviya” cavab görüşündə 2:0 hesabı ilə qalib gələrək 1/4 finala yüksəlib. Praqalıların bu raunddakı rəqibi isə İngiltərə “Arsenal”ıdır. Londondakı ilk qarşılaşma 1:1 hesablı heç-heçə ilə başa çatıb. Cavab görüşü aprelin 15-də Çexiyada olacaq.