“Bakı 2019 – Ulduzlar Finalı”: heyətlər açıqlandı

Sabah saat 11:00-da Bakıda, Nizami Gəncəvi adına Milli Azərbaycan Ədəbiyyatı Muzeyinin qarşısında “Bakı 2019 – Ulduzlar Finalı” adlı möhtəşəm qarşılaşma keçiriləcək.

Corner.az xəbər verir ki, bu matçın iştirakçıları meydana “Qərb ulduzları” və “Şərq ulduzları” adlı komandalarla çıxacaq.

“Qərb ulduzları”ında İrji Dudek, Deco, Maykl Essien, Eydur Gudjhonsen, “Selfie”müsabiqəsinin qalibi (elan ediləcək) və “Futbol bacarıqları” müsabiqəsinin qalibi (elan ediləcək), “Şərq ulduzları”nda Nazim Süleymanov, Vəli Qasımov, Revaz Arveladze, Nihat Kahveci, Andrey Arşavin, Şöhrət Rəhimov (Region Liqasında ötən mövsümün ən yaxşı qapıçısı) və Tural Dadaşov (“Media İntelektual Kuboku”nun qalib komandasının kapitanı) yer alacaq. Hər komandadan 5 oyunçu meydana çıxacaq, 1 oyunçu isə ehtiyat oyunçular skamyasında əyləşəcək.