Futbol üzrə Azərbaycan millisinin hücumçusu Mahir Emreli Polşanın “Legiya” komandasında növbəti matçına çıxıb.
Corner.az xəbər verir ki, Polşa təmsilçisi Avropa Liqasında pley-off mərhələsi çərçivəsində səfərdə Praqa “Slaviya”sı (Çexiya) ilə üz-üzə gəlib.
Dörd qolun qeydə alındığı matçda qalib müəyyənləşməyib – 2:2.
Mahir bu görüşə start heyətdə başlayıb və sonadək mübarizə aparıb.
Görüşdə hesabı da məhz 24 yaşlı hücumçumuz açıb. O, 20-ci dəqiqədə aşırtma qolla komandasını hesabda önə keçirib.