Qəbələ'nin sabiq baş məşqçisi mükafatlandırılacaq

Rusiyanın "Lokomotiv" (Moskva) klubunun sabiq baş məşqçisi Yuri Syomin Türkiyə "Qalatasaray"ına qarşı UEFA Avropa Liqasının qrup oyunundan öncə mükafatlandırılacaq.

Corner.az-ın məlumatına görə, bu barədə TASS-a Moskva təmsilçisinin Mətbuat xidməti məlumat yayıb.

Məlumatda, 2019/2020 mövsümünün sonunda qazanılmış gümüş medal 74 yaşlı mütəxəssisə avrokubok matçından əvvəl təqdim olunacğı vurğulanıb. Oktyabrın 21-də keçiriləcək "Lokomotiv" - "Qalatasaray" görüşü Bakı vaxtı ilə saat 23:00-da başlayacaq.

Xatırladaq ki, Yuri Syomin 2020-ci ilin mayında isteafaya göndərilib. Təcrübəli baş məşqçi 2013/2014 mövsümündə "Qəbələ"də də çalışıb.