- Avroliqa
- 12:27 22.10.2024
"Açığı, son avrokubok oyunundakı nəticənin ümumi çıxışımızı əks etdirdiyinə inanmıram. Biz çox səy göstərdik və güclü komanda işi hissi nümayiş etdirdik, lakin bu həmişə kifayət etmir".
Corner.az-ın məlumatına görə, bu fikirləri Polşa "Legiya"sının futbolçusu Mahir Emreli evdə "Napoli"yə 1:4 hesabı ilə məğlub olduqları UEFA Avropa Liqasının qrup oyunundan sonra şəxsi instaqram səhifəsində yazıb.
Azərbaycan millisinin hücumçusu bəzən, sadəcə, bəxt amili çatmadığını bildirib: "Bununla belə, düşünürəm ki, komanda ruhu bizimlə qalacaq və qarşıdakı oyunların nəticələrində özünü göstərəcək".
24 yaşlı futbolçu sonda çətin dövrdə komandaya dəstək olan azarkeşlərə təşəkkür edib: "Bu klubun bir parçası olduğum üçün çox xoşbəxtəm və qürur duyuram. İndi bizim sizi qürurlandırmaq növbəmizdir".
Qeyd edək ki, "Napoli" ilə matçda "Legiya"nın yeganə qolunu 11-ci dəqiqədə Mahir Emreli vurub.