"Valencia"nın baş məşqçisi: "Bakıdakı final haqqında danışmaq üçün çox tezdir"

"Oyunun ilk 30 dəqiqəsində yaxşı çıxış etdik. Həmin vaxt ərzində bir qol vurduq. Başqa şanslarımız da yarandı".

Corner.az-ın məlumatına görə, bunu "Valencia"nın baş məşqçisi Marselino Qarsiya Toral ölkənin digər komandası "Villarreal"ı 2:0 hesabı ilə məğlub etdikləri Avropa Liqasının 1/4 final mərhələsinin cavab oyunundan sonra mətbuat konfransında deyib.

54 yaxşı mütəxəssis nəticə üçün oynadıqlarını və Daniel Parejonun vurduğu ikinci qolla hər şeyin həll olunduğunu bildirib. Toral yarımfinalda qarşılaşacaqları İngiltərə "Arsenal"ı barədə də fikirlərini bölüşüb: "Bu rəqib Çempionlar Liqasına getmək üçün mübarizə aparır. Bizi yaxşı tanıyan bir baş məşqçiləri var. Amma yarımfinalda hər şey ola bilər. Bakıdakı final haqqında danışmaq çox tezdir. "Arsenal" turnirin favoritlərindəndir və böyük komandadır. Biz də klubun 100 illiyində finalda oynamağı səbrsizliklə gözləyirik".

Qeyd edək ki, "Valencia" ilk görüşdə "Villarreal"ı 3:1 hesabı ilə üstələyib. Yarımfinalda "Arsenal" - "Valencia" və "Eintracht" - "Chelsea" görüşlər keçiiləcək