Avqustun 25-də Moldova “Şerif”i Avropa Liqasının pley-off mərhələsi oyunun cavab qarşılaşmasında “Zimbru” stadionunda Ermənistan “Pünik”ini qəbul edib.
Corner.az xəbər verir ki, birinci hissənin ortalarında meydan sahiblərini dəstəkləyən azarkeşlərinin olduğu tribunalarda Azərbaycan bayrağı asılıb. Bir neçə dəqiqə sonra Moldova polisinin müdaxiləsi nəticəsində bayraq götürülüb.
Bildirək ki, “Şerif” penaltilər seriyasında “Pünik”ə (3:2) qalib gələrək Avropa Liqasının qrup mərhələsinə vəsiqə qazanıb. Tiraspol təmsilçisi Avropa Liqasının qrup mərhələsində İngiltərə “Mançester Yunayted”i, İspaniya “Real Sosyedad”ı və Kipr “Omoniya”sı ilə üz-üzə gələcək.