- Avroliqa
- 12:27 22.10.2024
Bu gün Avropa Liqasının qrup mərhələsində 2-ci turdan təxirə salınmış oyun keçirilib. Corner.az xəbər verir ki, "Arsenal" doğma meydanda Niderlandın PSV komandasını qəbul edib.
A qrupu çərçivəsində baş tutan bu oyunda cəmi bir qol qeydə alınıb. Yeganə qolu 71-ci dəqiqədə Qranit Caka qonaqların qapısından keçirib.
“Topçular” bu qələbədən sonra maksimum nəticə ilə turnir cədvəlinə başçılıq edirlər. London təmsilçisi pley-off-a vəsiqəni təmin edib. 7 xalı olan Eyndhoven təmsilçisi isə 2-ci pillədə qərarlaşıb.
A qrupunda Norveçin "Bodo Qlimt" və İsveçrənin "Sürix" komandaları da mübarizə aparır.
Avropa Liqası
A qrupu
20 oktyabr
Arsenal (İngiltərə) - PSV (Niderland) 1:0
Qol: Qranit Caka, 71.
Xal: Arsenal - 12, PSV - 7 xal, Bodo Qlimt - 4, Sürix - 0.