Futbol üzrə Avropa Liqasının 1/16 final mərhələsinin “Nant”la cavab oyunu “Yuventus”un yarımmüdafiəçisi Anxel di Mariya üçün əlamətdar olub. Corner.az xəbər verir ki, komandasının Fransa təmsilçisi üzərində 3:0 hesablı səfər qələbəsində bütün qolların müəllifi argentinalı vinger olub.
Bununla da, di Mariya sözügedən turnirdə “Milan”ın formasını geyinən Zlatan İbrahimoviçdən sonra het-trikə imza atan ən yaşlı futbolçu kimi tarixə düşüb. Di Mariya buna 35 yaş 9 günlüyündə nail olub. İbrahimoviç isə eyni uğura 35 yaş 136 günlüyündə imza atmışdı.
Di Mariya bu mövsümün əvvəlindən formasını geyindiyi “Yuventus”da 21 oyuna çıxıb və 7 qol vuru
