AL: Roma'dan qələbə, Yuventus son anda xilas oldu

Avropa Liqasının yarımfinal mərhələsinin ilk oyunları keçirilib. Corner.az xəbər verir ki, hər iki oyun eyni gündə baş tutub.

İtaliyanın “Roma” klubu doğma meydanda Almaniya “Bayer”ini qəbul edib. Bu oyunda "canavarlar" minimal hesabla qalib gəlib.

İtaliyanın digər təmsilçisi “Yuventus” isə evdə İspaniya “Sevilya"sını qəbul edib. Turin təmsilçisi məğlubiyyətdən son dəqiqələrdə vurduğu qolla xilas olub.

Yarımfinalın cavab qarşılaşmaları mayın 18-də keçiriləcək.

Avropa Liqası
Yarımfinalın ilk oyunları
11 may

Roma (İtaliya) – Bayer (Almaniya) 1:0
Qol: E.Bove, 63.

Yuventus (İtaliya) – Sevilya (İspaniya) 1:1
Qol: Qatti, 90+7 – En Nesiri, 26.