- Avroliqa
- 12:27 22.10.2024
Neftçi'nin Avropa Liqasının 1-ci təsnifat mərhələsində Moldovanın "Sperantsa" klubu ilə cavab oyununun da vaxtı açıqlanıb.
Corner.az UEFA-nın rəsmi saytına istinadən xəbər verir ki, iyulun 18-də Bakıda keçiriləcək qarşılaşma saat 21:00-da başlayacaq. Görüş "Bakcell Arena"da olacaq.
Qeyd edək ki, komandalar arasında ilk matç iyulun 11-də Kişinyovda keçiriləcək və həmin oyun da Bakı vaxtı ilə 21:00-da start götürəcək. Bu cütün qalibi 2-ci raundda Rusiyanın "Arsenal" (Tula) klubu ilə üz-üzə gələcək.