Bakı metrosu 1 saat çox işləyəcək

“Qarabağ”ın Avropa Liqasının qrup mərhələsində “Hekken”lə keçirəcəyi oyun “Bakı Metropoliteni” QSC-nin iş rejiminə yenidən təsir edib. 90deqiqe.az klubun mətbuat xidmətinə istinadən xəbər verir ki, qarşılaşma günü metro bir saat gec bağlanacaq.

Buna səbəb görüşün gec saatlara salınmasıdı. Ağdam klubunun məsələ ilə bağlı müraciəti müsbət cavablandırılıb. Matça Azərbaycanda böyük marağın olduğunu nəzərə alan “Bakı Metropoliteni” QSC dekabrın 14-dən 15-nə keçən gecə azarkeşlərin daşınması məqsədilə saat 01:00-a qədər qapılarını açıq saxlayacaq.

Qeyd edək ki, “Qarabağ”ın İsveç klubu ilə Tofiq Bəhramov adına Respublika stadionunda keçirəcəyi görüş saat 21:45-də başlayacaq.