Avropa Liqasının qrup mərhələsində Qarabağ klubunun rəqibi olan Arsenal ciddi itki ilə üzləşib.
Corner.az-ın məlumatına görə, komandanın hücumçu Danny Welbeck zədələnib. 27 yaşlı hücumçu Sporting ilə keçirilən oyunun 25-ci dəqiqəsində zədələnərək sıradan çıxıb. Rəqibin cərimə meydançasında hava mübarizəsindən sonra yerə düşən futbolçu görüşü davam etdirə bilməyib. O, oksigen maskası ilə meydanı tərk edib və xəstəxanaya aparılıb. Görüşdən sonra komandanın baş məşqçisi Unai Emery Welbeck'in ayaq biləyində qırıq aşkarlandığını bildirib.
