"Qarabağ" səfərdə "Braqa"ya qalib gəldi - YENİLƏNİB

UEFA Avropa Liqasının pley-off mərhələsinin ilk oyunlarına start verilib.

90deqiqe.Az xəbər verir ki, Azərbaycanın "Qarabağ" klubu səfərdə Portuqaliya "Braqa"sının qonağı olub. Görüşün 8-ci dəqiqəsində Ağdam klubunun futbolçusu Marko Yankoviç  penaltidən hesabı açsa da, meydan sahibləri 44-cü dəqiqədə Banzanın vurduğu qolla hesabı bərabərləşdirib."Köhlən atlar" ikinci hissə başlar başlamaz 54-cü dəqiqədə Zubirin qolu ilə hesabda önə keçib. 65-ci dəqiqədə Juninyo "Qarabağ"ın üçüncü qolunu vurub. Cəmi dörd dəqiqə sonra Abdullah Zubir özünün ikinci, komandasının dördüncü qoluna imza atıb.

Görüşün 89-cu dəqiqədə meydan sahiblərinin futbolçusu Moutinyo penaltidən fərqlənərək hesab fərqini 2 topa endirib.

Beləliklə,  görüşdə başqa qol olmayıb və "Qarabağ" "Braqa" səfərindən inamlı qələbə ilə ayrılmağı bacarıb.

Qeyd edək ki, cavab görüşü fevralın 22-də Bakıda baş tutacaq.