"Qarabağ"ın 1/8 finaldakı mümkün rəqibləri

İlk Azərbaycan klubu olaraq avrokuboklar tarixində 1/8 finala yüksələn “Qarabağ”ın rəqibi bu gün bəlli olacaq.

90deqiqe.Az xəbər verir ki, Avropa Liqasında 1/8 final mərhələsinin püşkü İsveçrənin Nyon şəhərində atılacaq.

Tədbir Bakı vaxtı ilə saat 15:00-da başlayacaq. Pley-offda Portuqaliyanın “Braqa” klubunu (4:2, 2:3) mübarizədən kənarlaşdıran Qurban Qurbanovun komandası püşkatmada səpələnməmişlər səbətində olacaq.

“Qarabağ” Avropa Liqasının qrupunda 1-ci yeri tutan və bu üzdən pley-offdan azad olan komandalardan biri ilə üz-üzə gələcək. Səpələnmişlər səbətində tanınmış klublar da daxil olmaqla, 8 komanda yer alıb. Bunlar “Liverpul”, “Vest Hem”, “Brayton”, “Atalanta”, “Reyncers”, “Vilyarreal”, “Slaviya” və “Bayer”dir.

1/8 final mərhələsinin ilk oyunları martın 7-də, cavab matçları 14-də keçiriləcək. “Qarabağ” və digər səpələnməmiş klublar ilk qarşılaşmaya evdə çıxacaqlar.

Səpələnmişlər

“Vest Hem”

“Brayton”

“Atalanta”

“Reyncers”

“Liverpul”

“Vilyarreal”

“Slaviya”

“Bayer”

Səpələnməmişlər

“Qarabağ”

“Frayburq”

“Milan”

“Benfika”

“Sportinq” – “Yanq Boyz” cütünün qalibi

“Marsel” – “Şaxtyor” cütünün qalibi

“Sparta” – “Qalatasaray” cütünün qalibi

“Roma” – “Feyenord” cütünün qalibi