Emilin komandası mübarizəni dayandırdı - Avroliqada

Millimizin qapıçısı Emil Balayevin çıxış etdiyi "Tobol" bu gün Avropa Liqasının 1-ci təsnifat mərhələsində cavab oyununa çıxıb.

Corner.az xəbər verir ki, Kostanay təmsilçisi öz meydanında Lüksemburqun "Jeness" klubu ilə qarşılaşıb. Görüş 1:1 hesabı ilə yekunlaşıb. Səfərdə qolsuz heç-heçə qeydə alındığından bu nəticə qonaqları 2-ci təsnifat mərhələsinə yüksəldib. "Tobol" isə Avroliqada mübarizəni dayandırıb.

Qeyd edək ki, bu oyunda da "Tobol"un qapısını Emil qoruyub.

Avropa Liqası

I təsnifat mərhələsinin cavab oyunu

18 iyul

"Tobol" (Qazaxıstan) 1-1 "Jeness" (Lüksemburq) 
Qollar: H. Meddur, 22-avtoqol (1:0), M. Arslan, 59 (1:1)
İlk oyun - 0:0