Qəbələnin Avroliqadakı rəqibi bilindi

2019-2020-ci illər mövsümündə UEFA Avropa Liqasında mübarizə aparacaq “Qəbələ”nin ilk rəqibi bəlli olub.

Corner.az-ın məlumatına görə, mübarizəyə II təsnifat mərhələsindən başlayacaq “qırmızı-qaralar” Gürcüstanın “Dinamo” klubu ilə üz-üzə gələcək. Tiflis təmsilçisi I təsnifat mərhələsində “Enqordani”ni (Andorra) məğlub edərək mübarizədən kənarlaşdırıb – 6:0, 1:0.

Qəbələ ilk oyununu iyulun 25-də evdə keçirəcək. Cavab görüşü isə avqustun 1-də səfərdə olacaq.

Xatırladaq ki, “Qəbələ” 2015-2016-cı illər mövsümündə bu rəqiblə qarşılaşıb.  Avropa Liqasının I təsnifat mərhələsinin səfər oyununda 1:2 hesabı ilə uduzan "qırmızı qaralar evdə iki cavabsız qolla qalib gələrək mərhələ adlayıb.