“Qəbələ” – “Dinamo” matçı 1 manata

Avropa Liqasının 2-ci təsnifat mərhələsi çərçivəsində “Qəbələ” ilə Gürcüstanın “Dinamo” (Tiflis) klubu arasında keçiriləcək ilk oyunun biletləri satışa çıxarılıb.

Corner.az xəbər verir ki, bu barədə “Qəbələ”nin mətbuat xidməti məlumat yayıb.Məlumatda bildirilir ki, iyulun 25-də baş tutacaq görüşün biletlərinin qiyməti 1, 2 və 50 (VİP) AZN-di.

“Qəbələ” – “Dinamo” matçına biletləri “Qəbələ” Futbol Akademiyasında yerləşən “Qəbələ Store” mağazasından əldə etmək olar.

İyulun 25-də Qəbələ şəhər stadionunda keçiriləcək sözügedən matça saat 19:00-da start veriləcək.