- Avroliqa
- 09:28 04.10.2024
Azərbaycan UEFA reytinqində bir pillə geriləyib.
90deqiqe.Az-ın məlumatına görə, ötən gün UEFA Avropa Liqasının Liqa mərhələsinin Il turunda İsveçin “Malmö” klubuna 1:2 hesabı ilə uduzan "Qarabağ" ölkənin əmsalını artırmağı bacarmayıb.
28-ci pilləyə düşən Azərbaycanın əmsalı 19,125-ə bərabərdir. Reytinq cədvəlində Azərbaycanla eyni xala malik Bolqarıstan isə bir pillə irəliləyərək 27-ci yerdə qərarlaşıb.
Qeyd edək ki, 55 ölkənin yer aldığı reytinq siyahısına İngiltərə (92.446) başçılıq edir.
