AL: "Qalatasaray" evdə "Tottenhem"ə qalib gəldi

"Qalatasaray" və "Tottenhem"in qarşılaşdığı Avropa Liqasının ümumi mərhələsinin 4-cü turunun oyunu başa çatıb.

90deqiqe.Az xəbər verir ki, oyun İstanbuldakı "RAMS Park" stadionunda baş tutub. Qarşılaşma 3:2 hesabı ilə Türkiyə nəhənginin xeyrinə başa çatıb.

Oyunun ilk dəqiqələrində meydan sahiblərinin yarımmüdafiəçisi Yunus Akgün hesabı açıb. 18-ci dəqiqədə qonaqların hücumçusu Uill Lankşir tarazlığı bərpa edib. 31-ci dəqiqədə "Qalatasaray"ın hücumçusu Viktor Osimhen komandasını hesabda irəli çıxarıb. 8 dəqiqə sonra Osimhen dubl edib. İkinci hissənin ortalarında London klubunun hesabdakı fərqini hücumçu Dominik Solanke azaldıb.

Avropa Liqasının ümumi mərhələsinin növbəti turunda “Qalatasaray” Hollandiyanın “AZ Alkmaar” klubu ilə qarşılaşacaq. Oyun noyabrın 28-də baş tutacaq. Öz növbəsində “Tottenhem” “Roma” ilə oyun keçirəcək (28 noyabr).

Türkiyə nəhəngi Avropa Liqasının əvvəlki turunda səfərdə "Elfsborq"u 4:3 hesabı ilə məğlub edib. "Tottenhem" "AZ Alkmaar"ı 1:0 hesabı ilə məğlub edib.

4 matçda 3 qalibiyyət və 1 heç-heçə edən "Qalatasaray" xalını 10-a çatdırıb. Bu mövsüm Avropa Liqasında ilk məğlubiyyətini alan "Tottenhem" 9 xalda qalıb.