"Olimpiakos" - “Qarabağ” oyunu bu hakimlərə tapşırıldı

UEFA Avropa Liqasının əsas mərhələsində Yunanıstanda "Olimpiakos" və “Qarabağ” arasında keçiriləcək VIII tur oyununa təyinatlar açıqlanıb.

90deqiqe.Az UEFA-nın rəsmi saytına istinadən xəbər verir ki, qarşılaşma Rumıniyadan olan hakimlər briqadasına həvalə olunub.

Matçın baş hakimi Radu Petresku olacaq. Ona yan xətt hakimləri Radu Qinquleak və Mirsa Mixail Qriqoriy kömək edəcəklər. Dördüncü hakim funksiyasını isə Marsel Birsan yerinə yetirəcək.

VAR-da Katalin Popa, onun köməkçisi isə Sebastian Koltesku olacaq.

Qeyd edək ki, yanvarın 31-də oynanılacaq "Olimpiakos" - "Qarabağ" görüşü Bakı vaxtı ilə saat 00:00-da başlayacaq.