"Neftçi” Avropa Liqasında mübarizəni dayandırdı

Neftçi bu gün Avropa Liqasında növbəti görüşünü keçirib.

Corner.az-ın məlumatına görə, təmsilçimiz Avropa Liqasının III təsnifat mərhələsində "Bney Yehuda" ilə cavab oyununa çıxıb.

Bakıda rəqibi ilə 2:2 hesablı bərabərə qalan Roberto Bordinin yetirmələri pley-offa vəsiqə əldə etmək üçün mütləq qələbə qazanmalıydı.Amma təəssüf ki, "Neftçi" bunu bacarmayıb. Meydanı məğlub tərk edən təmsilçimiz Avroliqa ilə erkən vidalaşıb.

“Neftçi” "Bney Yehuda" səddini keçsəydi, pley-offda “Malmö” – “Zrinski” cütünün qalibi ilə qarşılaşacaqdı.

Avropa Liqası
III təsnifat mərhələsi, cavab oyunu
15 avqust

“Bney Yehuda” (İsrail) 2-1 “Neftçi” (Azərbaycan)
Qol: D.Jan, 14. T.Saqas, 66 - E.Mahmudov, 90+3-pen.
Hakimlər: Daniele Doveri, Alessandro Kostanzo, Alessio Tolfo, Fabrisio Pasqua (hamısı İtaliya)
Hakim-inspektor: Stefane Lanno (Fransa)
UEFA nümayəndəsi: Tarqo Kaldoya (Estoniya)
Petah Tikva. "Ha Moşava" stadionu
İlk oyun – 2:2