“Qarabağ”a qalib gəlmək inanılmazdır" - David Hili

“Bu qələbə mənim üçün Şimali İrlandiya yığmasında İngiltərə və İspaniyanı məğlub etdiyimiz oyunlar kimi yaxşı xatirədir”.

Corner.az “Belfastlive”a istinadən xəbər verir ki, bu fikirləri “Linfild”in baş məşqçisi David Hili Avropa Liqasının "play-off" mərhələsinin ilk matçında “Qarabağ”ı məğlub etdikləri (3:2) oyundan sonra söyləyib.

40 yaşlı mütəxəssis futbolçularının çıxışından məmnun olduğunu vurğulayıb:

“Futbolçularımın nəyə qadir olduqlarını bilirəm. Ona görə də məni təəccübləndirmədilər. “Qarabağ”a qarşı oyunda qalib gəlmək inanılmazdır. Bir həftə sonra Bakıda oyunumuz var”.