Qarabağ'ın Avropa Liqasının pley-off mərhələsi çərçivəsində Şimali İrlandiyanın “Linfild” klubuna qarşı keçirəcəyi cavab oyununa hakim təyinatları açıqlanıb.
Corner.az xəbər verir ki, UEFA bu oyunu Rusiyalı hakimlər briqadasına tapşırıb.
Bakıda keçiriləcək görüşün baş hakimi Sergey İvanov olacaq. Ona Roman Usaçovla Valeri Dançenko kömək edəcək. Dördüncü hakim funksiyasını isə Sergey Lapoçkin yerinə yetirəcək.
Hakimlərin işinə Lüksemburqdan olan Aleyn Hamer qiymət verəcək. UEFA nümayəndəsi isə sloveniyalı Marko Simeunoviç olacaq.
Qeyd edək ki, “Qarabağ” “Linfild”ə səfərdə 2:3 hesabıyla məğlub olub. Avqustun 29-da Bakıda, Tofiq Bəhramov adına Respublika stadionunda keçiriləcək cavab qarşılaşmasına saat 21:00-da start veriləcək.
