“Sabah”ın Avropa Liqasının birinci təsnifat mərhələsindəki potensial rəqibləri bilindi

Azərbaycan Kubokunun 2024/2025-ci il mövsümünü qalib başa vuran “Sabah” tarixində ilk dəfə UEFA Avropa Liqasında iştirak edəcək.

Klubdan 90deqiqe.Az-a verilən məlumata görə, artıq Bakı təmsilçisinin Avropa Liqasının birinci təsnifat mərhələsindəki potensial rəqibləri bəlli olub.

“Sabah” bu mərhələdə “Şaxtyor” (Donetsk, Ukrayna), “Legiya” (Polşa), “Partizan” (Serbiya), “Şerif” (Tiraspol, Moldova), ÇFR (Kluj, Rumıniya), “Hapoel” (Byer-Şeva, İsrail), “Çelye” (Sloveniya), “Spartak” (Trnava, Slovakiya) komandalardan biri ilə qarşılaşacaq.

Qeyd edək ki, birinci təsnifat mərhələsinin püşkü iyunun 17-də atılacaq.