Avroliqada püşkatmanın vaxtı bilindi

Avropa Liqasının qrup mərhələsində püşkatma mərasiminin vaxtı müəyyənləşib.

Corner.az UEFA-ya istinadən xəbər verir ki, Monakoda keçiriləcək püşakatma mərasimi avqustun 30-u, Bakı vaxtı ilə saat 15:00-da başlayacaq. Ümumilikdə 12 qrup üzrə 48 komanda yarışacaq. Qruplarda ilk 2 yeri tutan komandalar AL-də mübarizəni  pley-off mərhələsində davam etdirəcək.

Avroliqada mübarizə aparan yeganə təmsilçimiz “Qarabağ”  bu həftə keçiriləcək pley-off mərhələsində “Linfild”lə cavab oyunundan qalib ayrılacağı təqdirdə qrup mərhələsinə yüksələcək.

Qeyd edək ki, “Qarabağ” - “Linfild” görüşü avqustun 29-u Tofiq Bəhramov adına Respublika stadionunda keçiriləcək.