Sevilya 25 futbolçu sifariş etdi

Avropa Liqasında "Qarabağ"la eyni qrupda yer alan "Sevilya" UEFA-ya iştirak ərizəsini təqdim edib.

Corner.az-ın yerli mətbuata istinadən məlumatına görə, La Liqa təmsilçisi A siyahısında 25 oyunçunun adını sifariş edib.

Baş məşqçi Xulen Lopetegi heç bir futbolçunu kənarda saxlamayıb. O, Xesus Navas, Alexandro Pozo, Xavi Dias və Brayan Gili klubun yetirməsi kimi təqdim edib.

Serxio Requlyon, Serxio Eskudero, Xoan Cordan, Oliver Torres, Serxi Qomes, Nolito və Munir El-Haddadi yerli, digər 14 oyunçu isə əcnəbi kimi sifariş olunub. Mena, Lara, Amo kimi oyunçular B siyahısında göstərilib.

Qapıçılar: Tomaş Vaçlik (Çexiya), Bono (Mərakeş), Xavi Dias

Müdafiəçilər: Daniel Karriço (Portuqaliya), Xules Kunde (Fransa), Dieqo Karlos (Braziliya), Xesus Navas (kaptain), Serxi Qomes, Serxio Eskudero, Serxio Requlyon

Yarımmüdafiəçilər: Lukas Okampos, Ever Baneqa, Franko Vaskes (hamısı Argentina), Roni Lopes (Portuqaliya), Munas Dabbur (İsrail), Nemanya Qudeli (Serbiya), Fernando (Braziliya), Alexandro Pozo, Oliver Torres, Xoan Cordan

Hücumçular: Çiçarito (Meksika), Luk de Yonq (Hollandiya), Nolito, Munir El-Haddadi, Brayan Gil

Qeyd edək ki, "Sevilya" qrupda ilk oyununu sentyabrın 19-da səfərdə "Qarabağ"a qarşı keçirəcək.