"Ferensvaroş" "Qurnik"i məğlub etdi

UEFA Avropa Liqasının III təsnifat mərhələsinin ilk oyununda Macarıstanın "Ferensvaroş" klubu doğma meydanda Polşanın "Qurnik" komandasını qəbul edib.

90deqiqe.Az-ın məlumatına görə, ev sahibi komanda azarkeşlərini sevindirərək qarşılaşmadan qələbə ilə ayrılıb. Macarıstan təmsilçisi oyun ərzində daha üstün çıxış edib və layiqli nəticə qazanıb.

Matçın ilk hissəsində komandalar hesabı aça bilməyiblər. Hər iki tərəf hücumda fəallıq göstərməyə çalışsa da, real qol epizodları yaratmaq mümkün olmayıb.

Fasilədən sonra "Ferensvaroş" təzyiqi artırıb və görüşün 65-ci dəqiqəsində hesabı açıb. Kadu Nunyesin məhsuldar ötürməsindən sonra Marius Korbu rəqib qapısına yol tapıb.

Qarşılaşmanın qalan bölümündə daha qol olmayıb və "Ferensvaroş" cavab oyunu öncəsi 1:0 hesablı üstünlük əldə edib.

Qeyd edək ki, komandalar arasında cavab qarşılaşması avqustun 13-də Polşada keçiriləcək. Görüş Bakı vaxtı ilə 22:00-da başlayacaq.