“Beşiktaş” – “Hapoel Beer Şeva” oyununun keçiriləcəyi məkan dəyişdirildi

UEFA Avropa Liqasında mübarizə aparacaq Türkiyənin “Beşiktaş” klubunun “Hapoel Beer Şeva” ilə keçirəcəyi qarşılaşmanın ünvanı dəyişdirilib.

90deqiqe.Az-ın “HT Spor”a istinadən məlumatına görə,  qərar təhlükəsizliklə bağlı narahatlıqlar səbəbindən qəbul edilib.

İlkin olaraq İstanbulun Dolmabaxça ərazisində yerləşən stadionda keçirilməsi planlaşdırılan qarşılaşma Gürcüstanın Batumi şəhərinə təyin olunub.

Bildirilib ki, UEFA-nın qərarından sonra stadionun ətrafında və qarşılaşmanın keçiriləcəyi ərazidə genişmiqyaslı təhlükəsizlik tədbirləri görüləcək.

Qeyd edək ki, “Beşiktaş” UEFA Avropa Liqasının əsas mərhələsində İsrailin “Hapoel Beer Şeva” klubu ilə qarşılaşacaq.