“Olimpiakos” səfərdə “Marsel”ə qalib gəldi

Avropa Liqasında “Olimpiakos” səfərdə “Marsel”i 1:0 hesabı ilə məğlub edib.

90deqiqe.Az-ın məlumatına görə, qarşılaşmanın yeganə qolu 42-ci dəqiqədə vurulub. Şikinyo ötürmə verib, Santyaqo Esse isə Yunanıstan komandasının hücumunu dəqiq zərbə ilə tamamlayaraq fasilə ərəfəsində qonaqları önə keçirib.

İkinci hissədə “Marsel” hesabı bərabərləşdirmək üçün hücumlarını fəallaşdırıb və doğma meydan üstünlüyündən yararlanmağa çalışıb. Lakin “Olimpiakos”un müdafiəsi Fransa klubunun təzyiqinə tab gətirib və rəqibə hesabı bərabərləşdirməyə imkan verməyib.

Qalan dəqiqələrdə meydan sahibləri yunanların müdafiəsini yarmaq üçün yol tapa bilməyiblər. Beləliklə, Essenin vurduğu qol matçın taleyini həll edib.